...

Тунда ногоҳ уйғонасизми, дилингизга кирган титроқдан? Турасизми оғир хўрсиниб, чиқасизми аста ётоқдан? Очасизми деразаларни, қарайсизми ойга тикилиб? Кўксингизнинг остида недир, яшаётган бўлар ўкиниб. Ёдимга ўтса хаёлингиздан, тушасизми сиз ҳам ларзага? Розимисиз хаётингиздан, менга берган олий лаҳзага ? Ёлғизликнинг гирдобларида чорасизлик бўлганида тош, менинг учун юрагингиздан, тўкасизми бирон томчи ёш? Кесиб ўтса нигоҳингизни, муҳаббатнинг қовжироқ лаби, Сиз ҳам қаттиқ соғинасизми, севасизми ҳудди мен каби? Чидайсизми жимгина мендек, қонингизга ёнган оловга? Ёнингизга бир куни борсам, бермайсизми... кейин бировга?

©

Хаёлга тушганингда...

Кексайган чинорлар салқинида юрар эканман, бир зум хаелимдан ўтдинг. Ўшанда ҳам ёз эди, айни саратон эди. Бир зумга қуёшнинг иссиқ тафти кўзимга тушиб қаршимдан келаетганингни кўрмай қолгандим. Бехосдан туртиб юборганим.. қаршимдаги сен эдинг, аввалига кулгига олганим, сўнграси эса виждоним уйғоқлигини билиб қолганим.. Қўлингдаги оқ краска устингга тўкилиб ерни оппоқ қилиб қоплагани эса ғашингни келтиргани юзингдан, кўзингдан маълум эди. Четдаги одамлар нигохи... Шунчаки оддий вазият эмаслиги .. Карахт эдим.  Индамай кетганинг аввалига ахволимни бироз енгиллатгандай бўлган бўлса, эртаси кунига эса номаълум аллақандай ҳис, билмайман у не эди. Ўйлаб не қиларим билмай магазинга кириб оқ краска олдим. Таваккал. Мен ҳар кунги юрадиган йўлни бошида уйида қурилиш қилаетганингни ўша куни билгандим. Олдинга бордим. Олган краскамни сенга бериш мақсадида эдим, Исмингни билмаслигим учун уста деб чақириб қоя қолдим. Минг бир хижолат билан олдинг. Агар олмаса ўшаерга қўйиб кетаман хаел хам бориди. Ўзимча хурсандман, худди айбимни ювгандай.. Кетар эканман кўзим ўнгидан ўтган кечаги холат бехос кулгимни келтирганиди...
- "Тўхтанг, краскани пулини олинг"
Ортимдан томдан тараша тушгандай келиб чўчитиб юборганиди.
- "Тез юраркансиз, сизга етгунча велигим саккиз бўлди қаранг", деб мийиғида кулганча кечаги  ғилдирагини спицаси чиқиб кетган велосипедини кўрсатиб. Халиги хотиржамлик ўрнига  икки баробар хавотир эгаллаганиди. "Хазил, қўрқманг, пулим йўқ. Велик устаники эди. Энди анави ердаги устахонага ташагани келаяпман." Айбдорлигим икки хисса ошганиди, краскани олгани пулим етганидию, агар велосипеди бузилган бўлса қаердан пул оламан. Шунақа хаел билан устахонагача бирга кетдик, у қолди. Нима қилсамикин? Уйга кириб йиғиб қўйган пулимни санадим, қўрқдим. Етмасакан... Етмасидиямда. Қўрққанимдан кўчага чиқмадим, хаелимда худди устаболани "энди янги велосипед сотиб олиб берасиз экан" деган овоз келгандай бўлаверарди. Эртаси эрталаб кетаетиб устахонага кириб ўтсаммикин деб туриб энди шайлангандим қаршимдаги турган халиги велосипедни миниб кулиб келаетган устани кўриб қандай енгил тортганимни ўзим билар эдим.
-"Қарз бўлдиз!"
- "Қанчага?"
- "Мана шунчага" деб бош бармоғини кўрсатиб 👍, тўлаб берасиз фақат шартим бор, шу ердан хов анаши чинор тагигача велосипедда миндириб олиб қўяман.  Янги велосипед олиб бермайман экан, қутулдим деган хаелда "Бўпти!" деганимни билмай қолдим... "Энди хар куни велосипедда ўзим олиб бориб қўяман" деб кулганча қайтиб кетди...

Мен эса шу ерда тўхтатдим.

Тилак

Укамни компьютерида тўйларни кўриб ўтириб битта хаел келдим. Сўзга чиққан мехмонларнинг  билдирган тилакларини албатта самимий, лекин ман димоқчи бўлганим тилаклар.. Битта шаблонга тушиб қолган, бир хил хаммаси деярли. Тилакларни айтади, шунчаки чақирилганлиги учун, еки микрофонни ушлатиб қўйганлиги учунми билмайман, қандайдир сохтакорлик борга ўхшатдим. Тўғрироғи сездим. Қуруқ иккита гап билан тугатади, бўлди шу билан гап йўқ. фалон фалон фалон икки еш бахтли  бўлишсин. совуққилиб айтилган. Мазаматра йўқ, бу албатта уларнинг яъни мехмонларнинг хохиши. Сўзга чақиргандан кейин чиройли тилак билан, хеч йўқса кўнгилга етиб борадиган икки энли шеър айтиб тилак билдирса ишончим комил тўй эгаларидан тортиб ўчағбўйидаги пўвиргача етиб боради). Ҳар хил вазиятлар бўладику ўзимизда ҳам, бизни ҳам сўзга чақиради. Чақирадиган кунлар хам келади. Сўзга чиққанимизда илиқ, меҳр билан тилак билдириш насиб қилсин. Бу албатта маним ярим соат кўрган тўйни дискидан чиқарган  хулосаларим холос. Тўйда бўлган пайтимизда бундай нарсаларни езиш эса хаелга келмайди.Тўйларга етказсин хаммамизни)

Манзилга етиб келганлар

Жазирама кунларнинг бирида, айни саратонда кетмонни елкасига илган барваста, 30ни қоралаган билаги кучга тўлган Абдурахмон далага ер чопишга чиққан эди. Дала қирғоқлаб кетаркан, ортидан Қизлархонни қўлида эмизикли гўдаги билан чопқиллаб югурганини эшитди. Шошиб ортига қайтиб сўради:
- Нега чопасан? Санобарга бир нарса бўлдими?
- Йўқ, Эминраис... Уруш.. анаққа... 
Абдурахмон тушунганди..
Рахматли Абдурахмон бувамни гарчанд кўрмаган бўлсам ҳам, бувим айтиб кетган гапларидан , дадамни уларга ўхшашлигидан қандай эканлигини билиб оламан.
Вақт ўтган, уруш тугаган Гирмон енгилга деган гаплар  колхоз радиоларида янграрди..
...Тўрт йилу саккиз ой деганда ҳеч бир жойидан лат емасдан эсон омон Ватанга қайтаркан, юрагида Ватанга бўлган мухаббати, юрт тинчлиги қанчалик азиз эканлигини, уриб турган шу юраги ҳис қиларди. Ўзи эккан дарахтларга қараб, тўрт йилда анча катта бўлганини кўрарди. Фарзандларим-чи? Санобар касалиди... Ўша ўзи котта бўлган ҳовлига икки хонали кулбамисол уйдан хозир Қизлар чиқади деган ўйи тугамасидан, чойгум кўтарган Қизлар кўринганди... Соғинч, меҳрга қўшилган кўз ёш йиғларди. Ўғиллари эсини таниган, улғайган. Санобари эса қизамиққа чалиниб урушни иккинчи йили вафот этган экан. Қўшнилардан қора хат қанақа эканлиги билган Қизлар, рўпарасида бус бутун турган, фарзандларининг отаси ўша келбатли Абдурахмон турарди..
...Бувамни феъли анча кенг, қишлоқни содда бир йигити, раис берган вазифаси хўп деб бажарадиган оддий бир мироб бўлган экан. Урушдан қайтганлиги тўғрисида райисполком шийпонда катта зиёфат берган экан. Медални олиш.. Бувимни айтишича бувам уруш қаҳрамонига аталган зиефатларга боришни хохламаган, медални тақиб юришни истамаган экан. Уруш тўғрисида сўраса кўп гапирмас эканлар. Сизлар, оилам тинч яшасанглар менга шунинг ўзи бахт дерканлар. Неча йил яшаган бўлса ҳам ўша медални сандиқни бир бурчагидан олмаган экан.
Хозир бувам хақида шу озгинагина қаторларни ёзар эканман, қалбимда уларга бўлган меҳр, ўзгача бир ғурур туймоқдаман. Ватанга, манзилга омон қайтган ватандошлари қатори менинг ҳам бувам уруш ўчоғидан тирик қайтган.
Уруш қатнашчиларинг ўша Совет Иттифоқ ва ундан кейинги йиллар атрофида дарвозаларда кичик бир темирчага ёзилган ёзув ҳозиргача сақланиб қолган. "Ушбу хонадонда Буюк Ватан уруши қатнашчиси Йўлдашев Абдурахмон яшайди". Йиллар ўтиб  яна қўлимга оларканман, қизил ёзувда ёзилган ушбу сўзлар қанчалик аҳмиятли, қанчалик азиз эканлигини тушундим.

Эртага 9-Май Хотира ва Қадрлаш куни. Урушда вафот этган барча юртдошларимиз хаққига дуо оқиладиган кун. Ўтганларни хотирланадиган кун.

Улғайдик. Аллоҳга бехисоб шукр, Ватанимиз тинч! Бунинг учун Мухтарам Юртбошимизга мингдан минг рахмат айтишга арзийди. Бу кунларга етганлар бор етмаганлар бор.