Ёнимда ўтир

Биласизми, одамни қайси сўз ўзига магнитдек тортади? Қайси сўзни ўзини оханрабоси бор? Беихтиёр яқинлашишга, масофани кискартиришга ёки ушлаб туришга мажбур қила олади? “Ёнимда ўтир”

Оддийгина икки оғиз сўз а? Шу гапни негизида қанчалар сехр борлигини  баъзида тушуниб етмаймиз. Баъзида эса айтилганда қалбингизга шунақанги мехр жойлай олади, буни фақат айтиб ёки эшитиб , етказа олиб хис қилишингиз мумкин.  Сехри қандай эканлигини билмокчи бўлсангиз ёнингиздаги инсонга, яқин инсонингизга айтиб кўринг. “Озгина ёнимда ўтир”

Хар кандай чигал муносабатларни ўз ўзидан ечимини топиб бера олади. Буни факат юракдан, самимий қалбан айтибгина эриша оласиз. Бўладику , кимдандир гаш бўлиб, хатти харакати ёқмай аччик қилиб туриб кетган вақтингиз. “Озгина ёнимда ўтир”деб  ўша кимдир сизга  айтсагина қалбингиз ором олади. Ғашланмай қоласиз. 

Мисол учун ўзимни яқин инсонимга шу сўзни айтсам, “Озгина ёнимда ўтиринг”  деб, жавобан нима гап айтилишини биламан :) Хакатанам ман учун сехрли сўз. 

Бувим хам шу сўзни кўп такрорлайверардилар.. “кел, ёнимда ўтир” Ёнларида ўтириб пинжига кириб оларидим. Дадам , акамлар ишдан чарчаб келсалар ёки ўзларига айтадиган канакадир тёмно гаплари бўлса “Буёкка келиб ёнимда ўтир” дердилар. Сухбати чор бўлариди

Бугун автобусдаги кичкинагина вокеача: Фарзанди туполон килиб ўтирмай, у ўриндикка бу ўриндикка бир икки ўтириб ўтириб чиқаяпти.  Аяси койигандек булдию  кулок солмади . шунда “Болам, келгин ёнимда ўтирсангчи” дейди секингина. Даров келмасаям тўполон килмай ёнига келиб ўтиради. Қулоқ солади

Устози охирги партада ўтирган ўқувчисини мавзуни эшитмаганлигини, ёки гавдасини кўтариб, етмаганига  бошини кўтариб доскадаги ёзилган мавзуни кўролмай қолса, “Юлдашева, кел бу партага ёнимда ўтир” дейди. Дарслари хам  яхши ўзлашади шунда.

Ижтимоий тармокда севган инсонингиз билан сухбат куриб ўтирилибди.. Иккиси хам бир нарсаларни хаёл қилиб сухбат тугашини хохламай айтади “Қанийди хозир ёнимда ўтирсайдинг...” Сухбатлашаётган иккиси беихтиёр истамасдан бир бирига талпинади. Оханрабоси бор деганим шу бўлса керак.

Булар кўзим билан кўрган,эсимда колган ўзимдаги кичик вокеалар. Шу сўзни айта олиш керак холос факат, аслида инсонни бир бирини якинлашишига бошка сўзлар хам бор. У сўзларни хам ўзи ўрни бор. Тўгри, хар доим айтсангиз бемазадек кўриниб кетиши мумкин, лекин вактида айта олиш керак бу сўзни “Ёнимда ўтир”деб. Сехри шунда манимча.